作曲：Clinton Sparks
编曲：Clinton Sparks
监制：DJ Galaxy
如果人生系得番24小时 你会有啲乜野表示
好似乜野都只不过系小事
到底系咪会谂番几廿年之间有乜野值得比较记住
有边次活得比较有意义
啊 由细开始要勤力啲 考好啲试
我听过唔只一次 全部人口供 一致
话我知 入得到大学拎到张沙纸
入间大公司拿多啲银纸 先可以 先可以叫做成功人仕
系边个话我知要咁样做人 先至算系有意义
一出世开始呢一个标准就系最高既指示
每个人都只系棋盘入面一只棋子
到你死果日边个可以百分百忠实
表现自己果日净系谂住八就八终日
搬弄是非果日 勤勤力力 营营役役
饰演好你自己 呢一个角色 饰演到尾
问你 点解咁落力
好似每个人都无灵魂 Repeat又Repeat
每一日都日复日 系为咗易啲又易啲
应付月头月尾既每一张 Receipt又Receipt
为咗所为既康庄大道我地一直做 一直做一直做咗十年
二十年 人生有几多个十年
有几多个人 有几多个梦想从来未曾实现
最后今天 就算要离开呢个世界
几大就几大 呢24小时一定要活得痛痛快快
＊就到尽头 你会点样走
系咪会以后 去天国漫游
定系会逗留 逐秒祈求
生死册写错手 你时辰未够＊
＊就到尽头 你会点样走
系咪会以后 去天国漫游
定系会逗留 逐秒祈求
生死册写错手 你时辰未够＊
如果你知生命只系得番24小时
你想你既故事重新开始 定你觉得系一件小事
没所谓 反正冇得留低等时间流逝
定系衬离开人世 之前 留低一番作为
谂住闩埋房门揽住啲动漫对足电脑一晚
定系打开窗睇多一眼个世界几咁灿烂
你仲系最关心边位天王天后结婚
定系你突然想睇真从来唔上心既父亲母亲
再肉麻 既说话 唔使再放系心
想辱骂尽情去马 唔使再怕有手尾跟
你会揾你爱人卿卿我我 听听风看海
定系 轻轻的我走了 正如我轻轻的来
自己避开 自己离开 唔使人地为我默哀
定系要公开为你比我既爱讲声唔该
揾朋友 饮下酒欢送我就黎走
定系 唔能够揾到位真正朋友系最后聚首
(最后最后) 要死有几奇 人生好比场嬉戏
唔舍得你地陪我走到黎 (未期未期)
床边好多亲朋收到好多慰问 带走好多遗憾
再生为左维生 来生系咪咁 (好奇好奇)
我可以犯法 所有罪冇畏惧
但系冇办法抹走为我流既 (眼泪眼泪)
好似一个Raper 突然变哑
净底一堆说话同埋24个Bar
＊就到尽头 你会点样走
系咪会以后 去天国漫游
定系会逗留 逐秒祈求
生死册写错手 你时辰未够＊
＊就到尽头 你会点样走
系咪会以后 去天国漫游
定系会逗留 逐秒祈求
生死册写错手 你时辰未够＊
歌手：农夫
专辑：O'Fama