作曲：古曲
编曲：麦皓轮
白：有件事话俾家乡知 你细心研究我呢封书
个个都话天堂好食又好住 其实天堂系点你哋知唔知
所谓有人富贵亦有人穷 揾嗰两餐唔系咁轻易
你哋偷入天堂要经地狱门 劝你谂清谂楚唔好贪得意
咪话有旨意我会照顾你 想我孔乙己受人二分四
最怕招呼唔到话我无义气 怕你学精练懒讲疏乎
受人地引诱做左匪类 其实到处嘅杨梅都一样花
总要有志气就处处都可以出人头地 出人头地
话俾家乡亲戚大众知啦 香港挤迫真系住到无位企架啦
各行竞争偷懒被人弃 我接到啲家书各样都话寄
从前寄包裹我仍然仲应付得嚟 我家姐要电视机㖞
仲话名牌至合宜 我呢餐重要打税
阿舅母成日话要收音机
手表风扇又带海味电算机 佢个心向往羡慕人哋
我辛苦工作金睛火眼搏命涯 佢哋仲估我生活写意
在繁华地容易发达 佢话我好运气㖞香港钱财遍地
我日中死悭苦了自己 一旦粗使就会无钱寄
试问有谁愿听我讲道理 接到啲家书梗系各样都话寄
哼 我嘅粮期又透支咗仍然未应付得嚟
阿家姐 哇要个录影机架㖞
仲话名牌至合宜 呢餐懵嘅重要打税
阿舅母成日话要收音机
手表风扇又带海味电算机 个心向往羡慕人哋
香港指数天天飞涨揾食难 莫估我生活写意求财唔容易
我涯到头白未靠天上赐 只靠勤劳两字
话俾家乡亲戚大众知 休戚相关我自有主意
歌手：尹光
专辑：其他歌曲