作曲：Curtis Sonny / Allison Jerry / 许冠杰
编曲：麦皓轮
虾妹共你 我开亲口会夹条脷
望到虾妹我就冚身爽死
发烧手震又脚痺
虾妹共你 手拖手确系和味
落夜街鸡粥炸面认真悭皮
最兴帮衬赵发记
* 人系冇十全十美 针都冇话头头利
我并冇掹鸡兼豆皮 弊呀弊在我冇骨气
虾妹望你 咪整色水猛学人哋
就系咁意等我哋做对知己
冇乜必要乱霎气 *
为个银 生虾咁跳四围问
为两蚊 打生打死系唔忿
少咗个崩 拆屋都有份 你话无钱点样会行运
望结婚 揾到钱至有缘份
恨亚珍 跟兜福水去胡混
谂起够掹 有骨都要哽 佢话冇钱揾鬼配婚姻
通屋咁摷 捐窿捐罅揾嘢当
到处乱爬 见嘢就SA眼光光
喂 你咪当我丧 要载满个米缸
咪笑我挂住发钱寒
OH... OH...
认老襟 偷呃拐骗搏人笨
逐个斟 口水翳干面皮韧
一味靠滚 冇乜边句真 折堕到咁皆因冇银
重唱 *
歌手：尹光
专辑：其他歌曲