作曲：古曲
编曲：麦皓轮
女白：买粉果呀 好靓嘅粉果呀 帮衬下啦
女：我叫做阿蛾 专制卖粉果 拣正上等材料和粉自己去磨
尤如灵丹食一次 就成个人都唔饿
味道唔错 好过食烧鹅
所有熟客买亲段打和买成萝 人人问我点解得咁靓
因我用嘅材料正一上等无欺认下商标最叻 系我阿蛾
女白：买粉果呀
男：我成日去揾阿蛾 嗰个衰婆啲玉地唔错架啵
我朝朝走去帮衬 我实在想亲近阿蛾
我买粉果买粉果 乜你个圆萝咁大个架
女：喂 我采采采你咪激嬲我呀
男：我话你载粉果嗰个萝啫
女：因乜你咁鬼口多啫
男白：又系衰嘅
女：我话你立意聊我
男：实在忘形乱嗡 等我认声错呀我想帮衬
女：帮衬哪一个 睇你面懵有啲唔妥
男：你重话我口多 乜你亦系咁口多
乜你立乱咁嚟闹我架
女：喂 以后我唔烦你啦 男：我又话过唔烦你啦
合：大家讲过就算和
男：阿蛾姐 女白：点呀
男：我同你讲下买卖 女白：好呀
男：用粉要你自己磨
女：喂 你唔买就请过啦 男白：点解
女：使乜咁事干多啫
男：你磨过香夹泯 女白：采
男：喂 咁样至叫你磨 我嚟买大帮货 女白：买好多呀
男：唔系买三几个啵 女：你买几多啫
男：我想买晒成萝 女：唓 你上仓咩
男：我借花改敬事头婆 男白：俾啲钱你呀
女：啲钱拧返去啦 俾返你只黄呀面呀婆
男：我系单身寡仔 得我自己一个咋
女白：真唔真呀
女：睇你咁轻佻呢 女人一定呃得好多 男白：无呀
女：你重系寡仔与我又如何
男：只因择偶贤淑 要小心啲拣个来坐 女白：你都几识拣㖞
男：我并未有知心相配合 我情愿就无老婆
女：喔 原来咁识拣老婆 男白：系人都识呀
女：为人精乖又唔傻 男白：唔傻
女：我从前未明你份人 男白：点呀
女：当作飞哥一个
男：唉 我回头叫一声阿蛾 女白：乜事呀
男：呢处为何得一个事头婆 完全做埋冇别人呀
间舖头得你一个
女：我决意自梳天天尽照磨 因为飞哥呢太心多
系女人都想要做老婆
男白：我唔系飞哥呀
女：我求两餐啫 只医个肚皮饿
天天整粉果都算自己称做事头婆
男：阿蛾你怜念我呀 女白：你做咩呀
男：我年少又情多 女白：卖咁啲先啦咁多情
男：你若然许婚于我 我有十灵盆现货啵
女白：十几万咁多呀 男白：日本纸呀
男：你即管想清楚 男白：嫁俾我 俾晒啲钱你
女：只怕你心多 男白：唔会
女：嗰阵无收科 我今世自己挨都好过做你老婆
男白：自己挨呀 女白：系呀
男：你挨得多就知错 收尾两年头你又无细路哥
我问你点收科 不若一于嫁我做老婆
女：得 你除非应允独爱我一个 男白：得
女：夫妇和谐你莫太心多
男：我誓不心多 专心去爱阿蛾
女：我低声叫哥 男：咁就一于拍拖啦
女：拖住爱哥呀 男：亲热拍拖
合：大众拖手一路唱歌 一啤拧住就好似秤共陀
从今鸳侣同谐和 花放同时又结果大家 欢呼欢呼
合：Darling你呵返我完囉
作词：佚名
歌手：尹光
专辑：其他歌曲