沙三少情挑银姐
作词：佚名
作曲：古曲
编曲：周炽楷
生白：雪雁 红梅 翠娟
哼 啲妹仔去晒边呢喂
生唱：雪雁红梅和翠娟 妳哋而家躝左去边
快共我松骨酙茶递吓烟
翠娟佢又唔见面
雪雁佢都未曾被我睇见
三少又觉得唔自然
生白：嗰啲妹仔冚扮冷去晒边嘅呢
一个人都无嘅
唉 真系激死阿三少
三少无人服侍就唔得架吗
好彩 近日请咗个靓女
叫做阿银姐
哗 真系见到佢呢
我就晕得一阵阵啦
好彩今日佢无放假
系厨房呀头先见到佢
嗌佢出嚟服侍吓三少至得 诈病
银姐 快啲出嚟服侍吓我啦
喂 出嚟啦喂 银姐 三少好辛苦呀
哦佢话煲好药先出嚟㖞
嘻 得咗啦
生唱：我在梦里都犹唤叫 诈病诈得妙
痴心一片我为爱娇 为她种情苗
愿化同命鸟 乐也逍遥
我诈病又诈得妙 虽知三少痴情 我为爱阿娇
心爱慕 要用计挑
与她今晚赴约蓝桥
佢美艳俏妙 我相思朝晚思量夺占阿娇
想计划 要用意表
与她身葬在那情潮 我爱她廿寸腰
盼她都慰寂寥 痴心望常护照 实觉相思难疗
生白：乜仲唔出嚟架呢吓 银姐
病死人架妳仲唔出嚟 快啲出嚟啦
旦白：嚟啦
旦唱：又听少爷唤叫 我听完又试眼眉跳
佢叫完又叫我心儿焦 郎为了贪色笑
晚晚挨通宵 真恹尖 几时得到第二朝
阿三少爷 佢晓诈娇
声声呻 揾心药疗 我明知佢意表
旦白：又试扭计啦
旦白：哎吔 三少爷
生白：吓 咁耐至出嚟嘅 病死人架妳知唔知呀
旦白：哎吔 煲药呀
煲好药至嚟得架吗 岩饮架啦
生白：煲药煲咁耐架咩
旦白：饮啦
生白：饮药呀
旦白：系囉 饮咗佢啦
生白：黑咪蚊嘅
旦白：饮啦 岩岩煲好架咋
生白：哗 咁苦嘅 唔饮啦唔饮啦
旦白：哎吔 唔饮点得架啫
苦口良药吗 饮咗就好架啦三少爷
生白：饮都得 妳灌我啦
旦白：哎吔点灌啫 咁丑
生白：唏 怕乜啫 嘴对嘴咁唧就得架啦
怕乜丑啫 又冇人见
旦白：哎吔 咁多人系到仲话无人
生白：妳又系见到人架咩
旦白：系呀
生白：我唔见架
旦白：好多人呀
生白：唔怕呢 嚟啦
旦白：唔得嘅呢
生白：嚟啦
旦白：唔得嘅呢
生唱：哎吔嚟啦
旦白：唔得架呢
生白：唔怕呢都话 我都睇唔到人
生唱：嚟啦
旦白：哎吔 都话唔好囉
生白：都话唔怕囉银姐
旦白：怕呀
生白：真系比妳攞命
旦唱：你何必偏要学诈娇啫
生唱：我求娇将我尽照料
旦唱：你何必又监我灌药
生唱：唉 为因妳细心将我护照
生白：银姐
旦白：点呀
生唱：妳睇吓我成身都发紧烧
旦白：点解呀
生唱：睇吓个心肝 哗 都卜卜跳
生白：妳 妳摸吓三少个身体
旦白：哎吔男女授授不亲唔得嘅
生白：唔怕嘅 三少比妳摸呀吗
旦白：摸吓
生白：嗱 摸吓睇 系咪呢 发发声吓话
旦白：真系跳得好紧要㖞
生白：人哋一分钟呢 就跳五十嘢架啫
阿三少紧张到 一分钟跳几百嘢架
旦白：哗 会唔会死呀咁
生白：妳睇吓 死就死唔得
若果妳肯灌药就唔死架啦
一阵间我又发热 一阵我又见冻㖞
无阴公呀银姐
作词：佚名
歌手：尹光
专辑：其他歌曲