以前喺学校 睇住你打波 我哋好近
后尾你同屋企人要去澳洲喇 我哋又好远
到我帮阿Ben寄结婚咭比你 收到你嘅e-mail 我又觉得近返喇
你返咗嚟观礼 我哋见面模糊到只系讲咗声Hi
我哋简直系两个世界咁远
成班人送你机嗰日呢 我揸紧车
你同佢哋讲返我读书嗰阵时又瘦又土㖞
我发现 我对你原来系咁近架
一次巧合 四个人一齐嚟Sydney度假兼探你
点知玩到第四日 你先话听日要过去Melbourne读书呀
就系嗰一秒 我竟然唔舍得你要去咁远
朝头早六点 你要去机场
外面开始落雪 我终于忍唔住讲：“比我同你一齐去呀”
你傻咗唔识答嘅样 令我犹豫
但系我知今次如果唔讲 我呢一世都唔会再提喇
飞返嚟香港 带住你比我嘅颈巾
我先明兜转咗咁多年 飞过半个地球咁远
都只系要我储够能量去同你讲：“我爱你”
歌手：陈奕迅
专辑：新生活