作词：林夕/Rap
作曲：雷颂德
作词：黄子华
编曲：雷颂德
监制：雷颂德
黄子华(RAP) ：
喂喂喂，世界好简单，但系人类好复杂。
系咁㗎啦，好出奇啊？揾食唧，犯法呀，我想㗎？
古巨基(唱)：
神救赎人世 靠笑穴
能诱惑人笑 要够绝
人生有什么 好喜悦
子华说 子华说
黄子华(RAP) ：
喇各位我哋唔系唔负责嘅人，为咗爸爸妈妈短短一刹那嘅快乐，
我哋负责咗几十年喇，真系桥到船头自然直啊？定系船到桥头变林夕啊？
拉拉链又一日，唔拉拉链又一日，无人揾你做野你咪当自己系伟大嘅艺术囉，生勾勾嘅时候系唔会得到应有嘅尊重，我恭喜你，你仲伟大过伟大嘅艺术家，死咗都无人尊重啊！
不过输少当赢啦，系输净少少都当系赢。
哎呀！若要人不知，唔好咁低B。
古巨基(唱)：
要笑到低脂
这世界 被人笑 令人笑 是头等善事
丑不丑 要自知 当作表演趣剧够睿智
黄子华(RAP) ：
我好钟意返工啊！你话唔系鬼上身点讲得出啊？
真系做只猫，做只狗，做只出位的马仔。
老板，点解我可以做得咁差？其实我可以做得差啲㗎，
出俾你果份唔系粮，系赔偿，虽然话一千几百，犹如垃圾，
富贵于我如浮云，但系浮云于我如命根，我地满身伤痕，
身无分文，之但系Buffet不妨食过份，出猫岂容你太高分啊？
哎哟返工紧系睇钟，今日最希望系听日打风，揾食唧，犯法呀，我想㗎？
古巨基(唱)：
神救赎人世 靠笑穴
能诱惑人笑 要够绝
栋笃笑大家 的死穴
回水要自嘲 花心血
人类若 那么易笑不必我卖笑
玩幽默去拯救这众生
将苦水 饮到喜悦
子华说 子华说
黄子华(RAP) ：
喂喂喂，你仲唱？
失恋唱情歌，即系漏煤气闩窗。
爱情呢家嘢，你预左唔OK，你就OK。
你唔中意我？我憎你！你中意我？我唔信你。
问世间情为何物，情侣装系唔怕核突。
初恋之前，小龙女只需要靓，靓就唔洗扮啊，扮就唔谎靓啊。
个时真系肤浅啊嘛，喇依加个人成熟咗就知道啊原来身材都好重要啊，
一个顶级嘅红颜，系会带嚟顶唔顺嘅麻烦。
化妆变做乔装，呢啲就叫做公关！
古巨基(唱)：
关公最惨 好孤单 好正经 不爱玩 没情爱愁烦
AB餐 拣正餐 拣野餐 至少有条件 斗烦
黄子华(RAP) ：
爱情同股票一样，未入之前会不停咁升。
一但到手，就会掉头咁走，你仲够胆摆酒？
唔怕嘥咗条鱼，嘥咗只鸡，同嘥埋只狗？
你爱嘅，你得唔到，你唔爱嘅，你甩唔到。
男人对爱情最紧要嘅系新鲜，但系女人最紧张就系保鲜。
“你从来都无爱过我”，“你对我已经唔系好似以前咁”
唉，夜半诉心声，何需太高清，
一句到尾，一句到尾，一句到尾，爱，讲是没有用的，做啦。
古巨基(唱)：
神救赎人世 靠笑穴
能诱惑人笑 要够绝
栋笃笑大家 的死穴
回水要自嘲 花心血
人类若 那么易笑不必我卖笑
玩幽默去拯救这众生
将苦水 饮到喜悦
子华说 子华说
歌手：古巨基
专辑：其他歌曲